Hasiera
Elkarte Kultural Guztiak
Agenda - ekitaldiak -
Albisteak
Idatziak
Zerbitzu gehiago
Web Loturak
Laguntza
Kontaktua
Bilatzailea Euskaraz
Nor dago Online
Momentuan 6 pertsona eta 0 kide daude online |
|
|
 |
 |
 |
 |
Kontxu Odriozolak - Besarkada Saria
17 Jun 2008
Kontxu Odriozolak jasoko du aurten Besarkada Saria
Euskal Aktoreen Batasunak eskaintzen du sari hau
Ekainaren 23an, Aktoreen 15. Jaialdian omenduko dute Odriozola
Kontxu Odriozola aktore azpeitiarrak jasoko du aurten Euskal Aktoreen Batasunak (EAB) urtero eskaintzen duen Besarkada Saria. Aktoreen 15. Jaialdian emango diote Odriozolari saria.
Ekainaren 23an omenduko dute aktore azpeitiarra Donostiako Viktoria Eugenia antzokian eta orduan emango diote Besarkada saria. Ekitaldia, Euskal Aktoreen Batasunaren sortu zeneko 20. urteurrena ospatzeko ere baliatuko dute.
Kontxu Odriozola antzerkian ez ezik telebistan ere lan ugari egindakoa da. ETB 1eko Goenkale telesaileko Maria Luisa pertsonaia ezagunari, esaterako, Odriozolak eman izan dio bizia. Hamalau denboraldi egin ditu Goenkale-n. Orain gutxi, telesaila uztea erabaki du eta beste proiektu batzuei heltzea.
Odriozolaren biografia
.2002an argitaratu zuen Azpeitiko Udalak Kontxu Odriozolari buruz Pako Aristik idatzitako biografia txikia. Uztarria.com-en osoa irakur daiteke, helbide honetan.
iturria: uztarria.com
| Jaurlaritzak 4 alegazio Monpaseko pasabidearen kontra
17 Jun 2008
Eusko Jaurlaritzak lau alegazio aurkeztu ditu Monpaseko pasabidearen proiektuak ingurumenean izan dezakeen eraginari buruz egin den ikerketaren aurka. Argitaratu den informazioan bertako ingurune naturalari, bere osotasunean, kalterik ez diola egingo azaltzen duen txostena falta dela dio Jaurlaritzak. Bestetik, pasabidearen interes orokorra ez dela arrazoitu, lanei buruzko txosten teknikoa falta dela eta Autonomia Erkidegoari onespen formalik ez zaiola eskatu diote Jaurlaritzak aurkeztutako alegazioek.
| Karelean taldearekin elkarrizketa
01 Apr 2008
Zestoa eta Azpeitiko musikariek osatzen dute Karelean taldea. Duela gutxi kaleratu dute 56. gelatik lehen diskoa, pop-rock kantuz osatua. Disko hori aitzakia hartuta bildu gara beraiekin, euren musikaz hitz egiteko.
ELKARRIZKETA
| Menchu Gal margolaria hil da
14 Mar 2008
Menchu Gal (Irun, 1918) margolaria hil zaigu bere jaioterrian 90 urte zituela. Margolari ezagunak bere ibilbidean zehar sari ugari jaso ditu: Pinturako Espainiako Sari Nazionala 1960an, Gipuzkoako Urrezko Domina 2005ean eta Eusko Ikaskuntzaren Manuel Lekuona saria 2007an. Bestalde, Irungo Udala Gali eskainitako museoa eraikitzea aztertzen ari da, eta helburu horri lotuta iaz margolariaren 37 obra erosi zituen 766.000 euro ordainduta.
Argiak egindako elkarrziketa - hemen -
| Biluzik erakusketaren katalogoa
29 Jan 2008
Dagoeneko prest dugu otsailaren 2a arte KOLDO MITXELENA Kulturuneko Ganbara aretoan ikusgai dugun Biluzik erakusketaren katalogoa.
Miguel Ángel Álvarezen marrazki eta olio-lanen irudiez gain, ondoko osagarriak ditu katalogoak:
-Artistaren aurkezpen biografikoa, Mayi Setién erakusketaren zuzendari artistikoak idatzita.
-Artistaren lagun Jorge G. Aranguren poetak idatzitako testua: Sentsualitate sublimatua: Miguel Ángel Álvarez biluziak.
-Castillo Suarez idazlearen testua: Erauziko dizkizut belarritakoak.
Azken honek Miren Agur Meabe idazlearen pasarte honekin hasten du bere testua:
Azala, neurri batean, paper bat da, barruko kanpora ateratzen eta kanpokoa barneratzen duen papera. Eta kode berezi batek araupetzen du, ez duelako arau finkorik: norberak asmatzen, egokitzen edo aldatzen du. Pertsonala da, eta eskutik eskura pasaezina. Isila da eta dena dio. Oraindik baduzue erakusketa ikusteko aukera. Otsailaren 2tik aurrera, katalogo honetan, paperean, gordeko dugu bertan ikusitakoa.
| Antzezkizuna Ginol Taldea
02 Feb 2007
Antzezkizuna Ginol Taldeak, helbide eta telefono berriak.
Errementarien plaza, 8
48210-OTXANDIO (Bizkaia)
945 450601
www.euskalnet.net/antzezkizuna
antzezkizuna@euskalnet.net
659 560696
676 877568
| Hizkuntz eredu "bakar eta malgua" proposatuko du Euskadiko Eskola Kontseiluak
02 Feb 2007
Euskadiko Eskola Kontseiluko Batzorde Iraunkorrak hezkuntza sisteman hizkuntz ereduak aldatzeko proposamena onartu zuen atzo (1) Gasteizen egindako batzar orokorrean. Proposamenaren arabera, 1982ko Euskararen Erabilpena Normaltzeko Legeak eta 1993ko Euskal Eskola Publikoaren Legeak ez dituzte helburuak bete, hau da, Arabako, Bizkaiko eta Gipuzkoako ikasleak hamasei urterekin elebidunak izatea.
Segi irakurtzen... | Goio Monreal: «Hizkuntza bezain inportante izan dira gure instituzio historikoak»
01 Sep 2006
Zuzenbidearen Historian katedraduna da Goio Monreal eta kutsu horixe dario haren izaerari berari ere. Zuzenbide eta historia ikasgaia egin du elkarrizketa. Gozamena luke ikasle saiatuak. Goio Monreal politikari ere izan zen, ordea, eta badu hortik ere. EHUko errektore eta Eusko Ikaskuntzako lehendakari ere izanak eskarmentu handiko egin dute eta barru-barrutik ari denaren jakituria du. Nafarroan bizi eta ari da lanean baina AEBetan igaro du aurreko ikasturtea. Etorri berritan hartu gaitu etxean.
Segi irakurtzen... | Abian da Indalezio Ojanguren argazki lehiaketa
01 Sep 2006
Eibarko Indalezio Ojanguren XIX. Argazki Lehiaketa abian da jada. Argazkiak urriaren 17a baino lehen aurkeztu beharko dituzte partaideek. Irabazleen izenak urriaren 21ean jakinaraziko dituzte eta sariak azaroaren 3an banatuko dira. Lan sarituak eta hautatutako beste batzuk Portalea aretoan zabalduko den erakusketan ikusteko aukera izango da azaroaren 19ra bitartean.
| Euskalerria Irratiak Doxaren txostena baliogabetu dezatela eskatu du
25 May 2006
Euskalerria Irratiak Doxa aholkularitza bulegoak irrati lizentzien esleipenen harira osatutako txostena baliogabetu dezatela eskatu du, "alderdikeria" argudiatuz. Doxa enpresak Nafarroako Gobernuaren aginduz egin zuen irrati lizentzien esleipena erabakitzeko proposamena. Enpresa horretako kideek agerraldia egin zuen atzo (24) Nafarroako Parlamentuan, baina saioa itxia izan zen. Eusko Alkartasunak berriz, gaur egingo du agerraldia irrati lizentzien banaketari buruz hitz egiteko.
iturria: Argia
| Pegenaute epaituko dute
06 Feb 2006
Iruñeko Instrukzio Epaitegiak Pedro Pegenaute Nafarroako Gobernuko Hizkuntza Politikarako zuzendariaren eta Fermin Villanueva Hezkuntza zuzendariaren aurkako ahozko epaiketa zabaltzea erabaki du, ustezko prebarikazio delituagatik. Euskal Kultur Elkargoak komunikabideetan euskara sustatzeko 2001eko diru laguntzen deialdian irregulartasunak egon zirela salatu zuen.
Pegenaute eta Villanuevari leporatu dizkie irregulartasun horiek EKEk. Izan ere, deialdi hartan Diario de Navarra egunkaria argitaratzen duen enpresak 31.536 euroko diru laguntza jaso zuen, Euskaldunon Egunkariak argitaratu zuen bezala, deialdirako dokumentazioa epez kanpo aurkeztu bazuen ere. Fiskalak absoluzioa eskatu du bi akusatuentzat.
Segi irakurtzen... | Info7 irratia urtarrilaren 27an hasiko da emititzen
10 Jan 2006
Azti-Begia elkarteak irrati emankizuna satelitez ere hedatuko du otsailetik edo martxotik landa
Azti-Begia elkarteak izaera informatiboa ukanen duen irratia antolatu du eta urtarrilaren 27tik emititzen hasiko da. Info7 deituko da eta Euskal Herri osoan hartuko da. Hastapen batean Interneten bidez hedatuko da.
Info7k Frantziako CSA erakundearen baimena erdietsi du eta engoitik ez dago oztoporik emititu ahal izateko. «Urtarrilaren 27an irrati xede osoa aurkeztuko dugu zehatz-mehatz Bilbon eta 30ean hasiko da emisio arrunta», nabarmendu du Jone Josie Azti-Begiako ordezkariak. Izenak adierazi bezala, irratiak izaera informatiboa izanen du nagusi. Baliabideetatik hasita, izaera modernoa ukanen du eta teknika berriak baliatuko ditu.FMz emititzeko baimena lortzea da helburua, baina anartean oztopoak banan-banan gainditzen joanen direla dio Josiek. Lehen urratsa Internet bidez emititzea izanen bada ere, bi hilabeteren buruan satelitez emitituko dute. «Horrela telebistaren bidez hartuko da irratia».«Seinalea Euskal Herri osoan izanen da eskuragarri, baina egia da hartzaileek baliabide tekniko batzuk behar dituztela oraindik Info7 entzuteko», azaldu du Iñaki Altuna Azti-Begiako ordezkariak. «Oztopoak gainditzen goaz eta ororen buru irrati masiboa lortzea da xedea.
Segi irakurtzen... | Final Nagusiko Bertsolariak argazkietan
15 Dec 2005
www.sahuar.com
Sahuar argazkilaritzaren inguruko webguneak tarte berezia osatu du igandean Bilbon ospatuko den Bertsolari Txapelketa Nagusiko Finala dela eta. Parte hartuko duten bertsolariak gaitzat hartuz kajoietan arakatzen jarri dituzte Juantxo Egaña eta Jon Urbe argazkilariak hauen irudi ezberdinak bila zitzaten. Horretaz gain 2001eko finaleko argazki sorta ederra ere bai.
| www.sahuar.com - Euskal argazkilarien lanak
01 Dec 2005
Argazki bilduma, oso interesgarria.
www.sahuar.com
| Euskara teknologia berrietan sustatzeko 600.000
23 Nov 2005
Euskara teknologia berrietan sustatzeko 600.000 euro erabiliko ditu Eusko Jaurlaritzak
Kultura Sailak proposatuta, Eusko Jaurlaritzako Gobernu Batzordeak euskararen erabilera eta presentzia informazio eta komunikazio teknologia berrietan sendotzeko diru-laguntza deialdia onartu du. Xede honetarako, Kultura Sailaren Hizkuntza Politikarako Sailburuordetzak 600.000 erabiliko ditu zenbait egitasmorako.
Euskararen ondarearen informazioa digitalizatu eta zabaltzeko; aisialdirako teknologia berrietan oinarritutako ekoizpenetarako; Internet bidez euskara zerbitzuak, baliabideak eta edukiak zabaltzeko; eta hizkuntzen teknologietan euskara integratzeko eta softwarea euskarara egokitzeko edo softwarea euskaraz sortzeko erabiliko da zenbateko hori.
iturria: Kaixo
| Debako Arte Eskola
22 Sep 2005
Harlanketa eta Zurlanketa, Zeramika, Brontze galdaketa artistikoa eta Grabatu
kalkografikoa. Irailaren 30ean bukatuko da matrikulazio epea, Debako Arte Eskolan.
Informazio gehiagorako deitu 943 19 18 04ra edo Interneteko helbidea kontsultatu:
www.debarte.net
| Euskaltzaindiak eta Cervantes Institutuak hitzarmena sinatu dute
29 Jul 2005
Atzerrian euskara eta euskal kultura bultzatu eta ezagutarazteko lankidetza akordioa izenpetu dute
ekaitz goienetxea - BILBO Lankidetza hitzarmena sinatu zuten atzo Euskaltzaindiak eta Cervantes Institutuak, Akademiaren Bilboko egoitzan. Andres Urrutia euskaltzainburuaren eta Cervantes Institutuko Cesar Antonio Molina zuzendariaren sinadurarekin, ofizialtasuna eman zioten orain arte bi erakundeen artean izandako harremanei.
Lehendabiziko lankidetza hitzarmen honen nondik norakoak azaldu zituzten: helburu nagusia euskal hizkuntza eta kultura bultzatzea dela adierazi zuten, «batez ere, Espainiatik kanpo». Horretarako, Cervantes Institutuaren zentroak erabiliko dituzte 45 ikastetxe mundu osoan zehar. Euskal hizkuntza eta kultura zabaldu eta hedatzeko hainbat jarduera eta egitarau bultzatuko dituzte, eta irakaskuntza arloan, Euskaltzaindiak aholkularitza lana egingo du. Bestalde, bi erakundeen argitalpenak eta bibliografia informazioa trukatuko dituzte. Hitzarmena bi urte egongo da indarrean, eta tarte horretan, Jarraipen Batzorde batek alde bakoitzeko hiruna kidez osatua hartuko du lankidetza edukiz betetzeko ardura .
Segi irakurtzen... |
|
 |
 |
 |
 |
 |
|
|
|
